اصحى يا فنان

ملاحظة: ليس بالضرورة ما تجدونه في مدونتي هو الصح لأنه لايعبر الى عن رأيي الشخصي فمن يخالفني فيه ويعتقد أن عكس كلامي هو الصحيح فليرسل لي ويقنعني، فإذا اقنعني فيكون قد ردني الى طريق الصواب.

موضوعي عن المسلسلات العربية التي تنتشر موضتها في ايامنا هذه (شر البلية ما يضحك)

وانا بطلع على التلفزيون وبقلب من محطة لمحطة وبضر مقطع من مسلسل هون ومسلسل هون قعدت أصنف المسلسلات العربية  فلقيتها كالتالي

1-     مسلسل تاريخي بحكي عن بطولات وانتصارات أيام زمان.(طبعا ما بتخلى من العلاقات العاطفية للبطل)

2-      مسلسل من الواقع وبحكي عن مشاكل الشباب العاطفية وهادا بده يتجوز هاي وهاذ بطخ اخوه عشان قطعة ارض وهذ مضيع امة واخر المسلسل بلاقي امه وبتجوز الي بحبها .

3-     ومسلسلات كوميدية ومسخرة وفوازير وهبل. طبعا بعض المسلاسلات تتناول بعض الامور الجادة في المجتمع وهذا جيد.

4-     مسلسلات  بتحكي عن الارهاب والجماعات التكفيرية طبعا مع تزويد والمبالغة قليلا عشان يعطوا نكهة للمسلسل .طبعا انا ضد العمليات الي ضد الابرياء والاطفال وما بننكر انه اجرام الى ابعد الحدود  بس بالمسلسل بفرجونا الجانب السئ جدا من المتدينين وهادا بعكس لغير المسلم انه كل شخص ملتحي ويلبس الثوب هو ارهابي ومتخلف عقليا والخ..

طبعا بفرجوك بالمسلسلات والنتائج المرجوة بعد متابعتها هو منع الارهاب واشكاله .وكأنه ما في مشكلة في الوطن العربي الا الجماعات التكفيرية والمسلسلات العاطفية ( العاشق بده يحارب الشر عشان ياخد الي بحبها) واذا حلينا هاي المشاكل خلص بنكون اعملنا الي علينا وراح انعيش بالف نعمة والكرامة والشرف يتوزع ومن كثر ما في كرامة ببطل حدا ياخد لانه خلص طفح كرشة من الكرامة والعز والشرف ولما يفحص نسبة المذلة والمهاتة بكون عنده صفر%.

أخواني والله  الذي يجعل في القلب غصة هو نسيان البلاد التي يجري بها الجهاد الصادق والمقاومة الشريفة والابطال الذي واجب علينا ذكرهم وتخليدهم حتى يتعلم أجيالنا ومن يأتي بعدنا كيف تصنع الكرامة والشرف فكم من مسلسل يتكلم عن معانات الشعب الفلسطيني وعن العراق وغيرها من الدول المحتله ا للأسف فان نسبتها لا تتجاوز الـ 5% هذا ان وصلت الى هذه النسبة .طبعا اذا بهم يعملوا مسلسل عن العراق بكون عن الارهاب الي فيه اما عن الاحتلا !!! إنسى ؟!.

فالمسلسلات المرغوبة لدى قنوات الشاشة العربية

·        المجاهدة البطلة أم كلثوم

·        ومسلسل الشهيد البطل العندليب

·        وقائد الثورة نزار قباني وغيرهم.....

الذين حرروا عقول العرب من الاحتلال الاخلاقي وكأنهم هم منقذوا الامة الذين دافعوا عن شرفها وارضها . طبعا تتناوب القنوات العربية عشان بثها ومناديل الفاين على الطاولة من كثر المواقف المحزنة في المسلسل.

أما المسلسلات الي بتخلي الامة اتفكر بأخوانهم كأنها مسلسلات تووووووووووت فمثلا مسلسل فارس بلا جواد للفنان المصري الرائع محمد صبحي قد قوطع من المحطات العربية وهوجم من الدول الغربية واسرائيل طبعا لم تبثه الا  قناة المنار. لانه بحكي عن مخططات اسرائيل في العالم . التي دمجت تحت مسمى بروتوكولات حكماء بني صهيون